პროკურატურამ ორი ყოფილი მსჯავრდებულის მიმართ განაჩენების გადასინჯვის გადაწყვეტილება მიიღო

14.04.2021 02:40

საქართველოს პროკურატურა

არხი

საქართველოს პროკურატურამ ორი ყოფილი მსჯავრდებულის მიმართ არსებული გამამტყუნებელი განაჩენების გადასინჯვის გადაწყვეტილება მიიღო. ასევე პროკურატურის შუამდგომლობის საფუძველზე ყოფილი მსჯავრდებულის მიმართ სააპელაციო სასამართლომ გამამართლებელი განაჩენი დაადგინა საქართველოს გენერალური პროკურატურის სამართალწარმოების პროცესში ჩადენილი დანაშაულის გამოძიების დეპარტამენტმა ორი ყოფილი მსჯავრდებულის საქმეებზე უკანონოდ გამოტანილი გამამტყუნებელი განაჩენების გადასინჯვის გადაწყვეტილება მიიღო. აღნიშნულ საქმეებზე, ჩატარდა ხელახალი სრულყოფილი და ობიექტური გამოძიება. დაიკითხნენ ახალი მოწმეები, ჩატარდა ათეულობით საგამოძიებო და საპროცესო მოქმედება, შესწავლილ იქნა პირველადი საგამოძიებო და სასამართლო საქმის მასალები, მოპოვებულ იქნა ახალი მტკიცებულებები და ფაქტები, რის საფუძველზეც გამოძიებამ თითოეულ ამ საქმეზე მოიპოვა უტყუარ მტკიცებულებათა ერთობლიობა, რომლითაც აღნიშნული პირების მიერ რაიმე სახის დანაშაულის ჩადენის ფაქტები გამოირიცხა. ვრცლად: https://pog.gov.ge/news/prokuraturam-...

გაზიარება: