საერთაშორისო საბავშვო კინოფესტივალი "ჯიფონი საქართველო"

16 ოქტომბერს, 11:00 საათზე, მოსწავლე-ახალგაზრდობის სასახლეში საერთაშორისო კინოფესტივალი „ჯიფონი საქართველო“ გაიხსნება. საქართველოს კულტურისა და ძეგლთა დაცვის სამინისტროს მხარდაჭერით, 16-19 ოქტომბერს, თბილისი პირველად მასპინძლობს, საერთაშორისო კინოფესტივალს „ჯიფონი საქართველო“. ფესტივალში მონაწილეობს 13-დან 18 წლამდე ასაკის 500-მდე ახალგაზრდა საქართველოდან, იტალიიდან, სომხეთიდან, აზერბაიჯანიდან და ხორვატიიდან. თბილისს ასევე ეწვევიან მოზარდები საქართველოს საზღვრისპირა რეგიონიდან - პანკისის ხეობიდან და საოკუპაციო ხაზთან მდებარე სოფლებიდან - ნიქოზიდან და ერგნეთიდან. 4 დღის განმავლობაში ბავშვებისთვის მოეწყობა კინოჩვენებები და გაიმართება დისკუსიები ინგლისურ ენაზე. ახალგაზრდები ფილმის შესახებ იმსჯელებენ და საკუთარ აზრს გაუზიარებენ ერთმანეთს. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045