ინვესტიცია ზუგდიდისა და მეზობელი სოფლების განვითარებისთვის

ანაკლია/ზუგდიდისა და მეზობელი სოფლების როგორც რეგიონული, ისე ეკონომიკური განვითარების მიზნით, 2 მილიონი აშშ დოლარის ინვესტიცია განხორციელდება. ანაკლიის ეკონომიკური განვითარების პროგრამის შესახებ ხელშეკრულებას დღეს ხელი „ანაკლიის განვითარების კონსორციუმის“ აღმასრულებელმა დირექტორმა ლევან ახვლედიანმა და USAID-ის პროექტის „ზრდა“ ხელმძღვანელმა ბრაიან კინგმა მოაწერეს. ლევან ახვლედიანის განცხადებით, ახალი პროექტი სამ მთავარ მიმართულებაზე იქნება ფოკუსირებული: მცირე და საშუალო ბიზნესის ხელშეწყობა; ადგილობრივი მოსახლეობის კვალიფიკაციის ამაღლება და ადგილობრივი ინფრასტრუქტურის განვითარება. 2 მილიონი აშშ დოლარის ინვესტიციის ნაწილს USAID გაიღებს, მეორე ნაწილს კი „ანაკლიის განვითარების კონსორციუმი“. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchanne... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.