პირველი რესპუბლიკის მოედანზე დიდი ეკრანი დამონტაჟდა

26.03.2024 02:13

პირველი არხი Georgian Public Broadcaster

არხი

საქართველო ისტორიული მატჩის მოლოდინში. მათთვის, ვინც დღევანდელი საფეხბურთო მატჩის ბილეთების შეძენა ვერ შეძლო, პირველი რესპუბლიკის მოედანზე დიდი ეკრანი დამონტაჟდა. თბილისის მერიაში აცხადებენ, რომ სპეციალურად დღევანდელი დღისთვის საბავშვო სივრცეები და კვების ობიექტებიც მოეწყობა. გახანგრძლივდება მეტროსა და ავტობუსების გარკვეული მარშრუტების მუშაობის დრო. კერძოდ, მეტრო მუშაობას ღამის 2 საათზე დაასრულებს და როგორც „დინამო არენაზე“, ისე პირველი რესპუბლიკის მოედანზე მისულ გულშემატკივრებს მოემსახურება. ავტობუსების ნაწილი კი სპეციალურად გულშემატკივრებისთვის საღამოს 22 საათიდან ღამის 2 საათამდე იმოძრავებს. პირველი რესპუბლიკის მოედანზე მოწყობილ ზონაში მისვლას მსურველები 19 საათიდან შეძლებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: