დედის მკვლელობის ბრალდებით არასრულწლოვანი დააკავეს

მკვლელობა მოხდა ლილოში - დაკავებულია 2005 წელს დაბადებული პირი, რომელიც დედის მკვლელობაშია ბრალდებული. შინაგან საქმეთა სამინისტრომ თბილისში მომხდარი განზრახ მკვლელობის ფაქტი ცხელ კვალზე გახსნა - დაკავებულია ორი ადამიანი. ერთ-ერთი მოკლულის შვილია, რომელსაც ოჯახის წევრის მიმართ ჯგუფურად ჩადენილი განზრახ მკვლელობა ედება ბრალად, ხოლო მეორე მისი მეგობარი, 2003 წელს დაბადებული პირი, რომელიც ჯგუფურად ჩადენილი განზრახ მკვლელობისთვის დააკავეს. დანაშაულები 16-დან 20 წლამდე ან უვადო პატიმრობას ითვალისწინებს. გამოძიებით დადგინდა, რომ ბრალდებულმა მიმდინარე წლის 13 აგვისტოს, ურთიერთშელაპარაკების ნიადაგზე, საკუთარ საცხოვრებელ სახლში, დედას - 1988 წელს დაბადებულ პირს დანით სხეულზე რამდენიმე ჭრილობა მიაყენა. დანაშაულის ჩადენაში მას თავისი მეგობარი ეხმარებოდა. მიყენებული დაზიანებების შედეგად ქალი ადგილზე გარდაიცვალა. გამოძიება ორი მუხლით მიმდინარეობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.