ომის მეთვრამეტე დღე უკრაინაში

არსებული დანაკარგების გამო, რუსეთის ფედერაციის შეიარაღებული ძალები ახალ დანაყოფებს აყალიბებენ. კერძოდ, ოკუპანტების სარდლობა, მე-40 ცალკეული საზღვაო ბრიგადიდან 1500-მდე ადამიანის ჩართვას გეგმავს. ამის შესახებ უკრაინის შეიარაღებული ძალების გენშტაბში აცხადებენ. არსებული ცნობებით, საერთაშორისო ჰუმანიტარული სამართლის მოთხოვნების დარღვევით, ოკუპანტები განაგრძობენ დანაყოფებისა და აღჭურვილობის განლაგებას მაღალი რისკის ობიექტებზე, ასევე, მშვიდობიანი მოსახლეობის დაბომბვას. უკრაინის შეიარაღებული ძალების უნიფორმაში გადაცმულები, ადგილობრივი მაცხოვრებლების პირადი ნივთებს უკანონოდ ჩხრეკენ. ამავდროულად, რუსული ჯარების მორალური და ფსიქოლოგიური მდგომარეობა კვლავ უარესდება. იზრდება დეზერტირობისა და ბრძანებების შესრულებაზე უარის თქმის შემთხვევები. ბელარუსის ტერიტორიაზე მდებარე სამედიცინო დაწესებულებებში უკრაინასთან ომში დაშავებული უამრავი რუსი მკურნალობს. ბოლო დღეს, უკრაინის შეიარაღებულმა ძალებმა სხვადასხვა ტიპის ექვსი ერთეული რუსული საფრენი აპარატი გაანადგურეს. არსებული ცნობებით, რუსულმა ჯარებმა კრივოი როგზე წარუმატებელი შეტევა განახორციელეს და მნიშვნელოვან დანაკარგებს განიცდიან. გარდა ამისა, უკრაინის შეიარაღებული ძალების გენერალური შტაბი იუწყება, რომ უკრაინის წინააღმდეგ ომში ბელარუსის არმიის უშუალო ჩართვის ალბათობა დიდია. უკრაინის სამხედრო დაზვერვის ცნობებით, 11 მარტს, რუსულმა საოკუპაციო ძალებმა, კიევის რეგიონში მიმდინარე ევაკუაციისას ქალებისა და ბავშვების კოლონა დაცხრილეს, რის გამოც შვიდი ადამიანი დაიღუპა. ამასთან, რუსეთის ძალებმა დასავლეთ უკრაინაში, ივანო-ფრანკოვსკის აეროპორტზე დარტყმები განახორციელეს. ამის შესახებ ქალაქის მერი იუწყება. მისი განცხადებით, მტრის მიზანი პანიკისა და შიშის დათესვაა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.