„ლიბერთი ბანკის“ საინკასაციო მანქანის დაყაჩაღებაში ბრალდებულებს პატიმრობა შეეფარდათ

„ლიბერთი ბანკის“ საინკასაციო მანქანის დაყაჩაღებაში ბრალდებულ ომარ ხუხუასა და გელა ჯიქიას პატიმრობა შეეფარდათ. გადაწყვეტილება ზუგდიდის რაიონული სასამართლოს მოსამართლემ, ცოტა ხნის წინ გამოაცხადა. ბრალდებულები ჩადენილ დანაშაულს აღიარებენ. ერთ-ერთი დაკავებული, ომარ ხუხუა შსს-ს განსაკუთრებულ დავალებათა დეპარტამენტის თანამშრომელია. სასამართლო პროცესში ისინი ადვოკატების გარეშე მონაწილეობდნენ, რადგან მათ თავად განაცხადეს დაცვაზე უარი. ორივე დაკავებულს ბრალი რამდენიმე მუხლით ედება, რაც ყაჩაღობას, იარაღის უკანონო ტარებას, თავისუფლების უკანონო აღკვეთასა და იარაღის გატაცებას გულისხმობს. ბრალის დამტკიცების შემთხვევაში, მათ 11-დან 15 წლამდე ვადით პატიმრობა ემუქრებათ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.