თბილისის წიგნის XV საერთაშორისო ფესტივალის პრესკონფერენცია

მწერლის სახლში გაიმართა პრესკონფერენცია თბილისის წიგნის XV საერთაშორისო ფესტივალის შესახებ. პრესკონფერენციას ესწრებოდნენ საქართველოს კულტურისა და ძეგლთა დაცვის სამინისტროს, ქართული წიგნისა და ლიტერატურის ხელშეწყობის პროგრამის ხელმძღვანელი მედეა მეტრეველი, საქართველოს წიგნის გამომცემელთა და გამავრცელებელთა ასოციაციის აღმასრულებელი დირექტორი ქეთევან ჯაყელი და ფესტივალის საზოგადოებასთან ურთიერთობის მენეჯერი მაშო სამადაშვილი. თბილისის წიგნის XV საერთაშორისო ფესტივალი 1998 წლიდან იმართება. წიგნის ოთხდღიანი საიუბილეო ბაზრობა წელს, 23-26 მაისს "ექსპო ჯორჯიას" მე-11 პავილიონში ჩატარდება და მასში 66 გამომცემლობა, წიგნის გამავრცელებელი კომპანია, მაღაზია და საერთშორისო ორგანიზაცია მიიღებს მონაწილეობას. ფესტივალი იმართება საქართველოს კულტურისა და ძეგლთა დაცვის სამინისტროს მხარდაჭერით. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045