საქართველოს ბიზნესასოციაციის განცხადება

„თიბისი ბანკის“ ირგვლივ განვითარებულ მოვლენებთან დაკავშირებით, განცხადებას ავრცელებს საქართველოს ბიზნესასოციაცია. გაერთიანების ინფორმაციით, მათთვის ბანკისა და მისი დამფუძნებლების გარშემო არსებული ვითარების შესახებ ცნობილი იანვრის დასაწყისში გახდა. ამის შემდეგ გაიმართა შეხვედრები მამუკა ხაზარაძესთან და ბადრი ჯაფარიძესთან, ასევე პრემიერ-მინისტრთან. „ჩვენი მთავარი ამოცანა იყო დაგვეცვა ჩვენი წევრი კომპანიის, „თიბისი ბანკის“ ინტერესები. პრემიერ-მინისტრთან შეხვედრაზე გამოვთქვით მზადყოფნა, რომ საჭიროების შემთხვევაში, საქართველოს ბიზნესასოციაცია მზად იყო შუამავლის როლი ეთამაშა „თიბისი ბანკსა“ და  ეროვნულ ბანკს შორის.“, - აღნიშნულია განცხადებაში. ასოციაციის ცნობით, „თიბისი ბანკთან“ დაკავშირებით, საჯარო სივრცეში ორი განცხადება გააკეთეს, სადაც მკაფიოდ იყო დაცული ბანკის ინტერესები. გონივრული და სწორი იყო „თიბისი ბანკის“ დამფუძნებლების გადაწყვეტილება ბანკთან მიმართებაში , - აღნიშნავენ ბიზნესგაერთიანებაში. მამუკა ხაზარაძემ „კვირის პალიტრისთვის“ მიცემულ ინტერვიუში განაცხადა, რომ მუქარის წერილი ასოციაციის წევრებს გააცნო და მათი შემდგომი განცხადების გამო გააკრიტიკა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.