ზუგდიდში ადგილობრივ ბიზნესმენებს სავაჭრო პალატის პრეზიდენტი შეხვდა

09.06.2016 01:12

Radio Atinati

არხი

საქართველოს სავაჭრო-სამრეწველო პალატის პრეზიდენტი ნინო ჩიქოვანი ზუგდიდიში ბიზნეს-სექტორის წარმომადგენლებს შეხვდა. ღონისძიება, რომელსაც 40-მდე ადგილობრივი კომპანიის წარმომადგენელი დაესწო, შ. მესხიას სასწავლო უნივერსიტეტში გაიმართა. სავაჭრო პალატის გუნდმა შეკრებილებს საკუთარი საქმიანობის შესახებ პრეზენტაცია წარუდგინა. საუბარი ასევე შეეხო საერთაშორისო არბიტრაჟს, რომელსაც საქართველოში სავაჭრო პალატა ახორციელებს. თავის მხრივ მეწარმეებმა ჩიქოვანს ბიზნესში არსებული პრობლემები გააცნეს. მათი თქმით, წარმოებული საქონლის ექსპორტის თვალსაზრისით, ექმნებათ ბარიერები, რაც გამარტივებას საჭიროებს, როგორც იურიდიული ასევე ტექნიკური მიმართულებით. ცნობისთვის, საქართველოს სავაჭრო პალატა 1960 წელს დაარსდა. მის საბჭოში 34 ბიზნეს ასოციაციაა გაერთიანებული და ის მთავრობათაშორის ეკონომიკურ კომისიებშია წარმოდგენილი. რადიო "ათინათი" Website: http://radioatinati.ge/ Facebook: / rado.atinati. . Google+: https://plus.google.com/u/0/116211701... Twitter: https://twitter.com/

გაზიარება: