შეხვედრა კულტურის სამინისტროში

ამერიკის შეერთებული შტატების სახელმწიფო მდივნის მეორე მოადგილე ევროპისა და ევრაზიის საკითხებში ბეი ფენგი, ამერიკის შეერთებული შტატების საგანგებო და სრულუფლებიანი ელჩი საქართველოში რიჩარდ ნორლანდი, ამერიკის საელჩოს კულტურის ატაშე ლოლა პეტროვა და საზოგადოებრივ საქმეთა განყოფილების ხელმძღვანელი მაიკლ ტერნერი, საქართველოს კულტურისა და ძეგლთა დაცვის მინისტრს გურამ ოდიშარიას, მინისტრის პირველ მოადგილეს ალექსანდრე მარგიშვილსა და მინისტრის მოადგილეს მარინე მიზანდარს შეხვდნენ. შეხვედრა გაცნობით ხასიათს ატარებდა. მხარეებმა მომავალი ურთიერთობებისა და კულტურის სფეროში თანამშრომლობის გაღრმავების შესახებ ისაუბრეს. ამერიკის შეერთებული შტატების სახელმწიფო მდივნის მეორე მოადგილის ევროპისა და ევრაზიის საკითხებში ბეი ფენგის განცხადებით, „დღევანდელი ვიზიტის მიზანია საფუძველი ჩაეყაროს საქართველოსა და ამერიკას შორის პარტნიორობის შესახებ სტრატეგიული ქარტიის ფარგლებში დაგეგმილ ხალხთა შორის კომისიის სამუშაო შეხვედრას, რომელიც რამდენიმე კვირაში ვაშინგტონში გაიმართება". http://www.mcs.gov.ge   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045