79 წლის ციალა ჯოჯუამ შიმშილობა განაახლა

ქალაქ ზუგდიდის მერიასთან 79 წლის ციალა ჯოჯუამ შიმშილობა კვლავ დაიწყო. ის საცხოვრებელი ფართის დაკანონებასა და სარემონტო სამუშაოების დასრულებას ითხოვს. ჯოჯუა მერიას უყურადღებობასა და დანაპირების შეუსრულებლობაში ადანაშაულებს და აცხადებს, რომ 3 წლის განმავლობაში ზუგდიდში სამართალი ვერ იპოვა. მასთან სასაუბროდ მერის მოადგილე გია გულორდავა მივიდა, რომელმაც მოშიმშილისგან პრობლემა მოისმინა. შემდეგ კი მის საცხოვრებელ ბინაში გადაინაცვლა. მასთან ერთად ადგილობრივი ხელისუფლების სხვა წარმომადგენლებიც იმყოფებოდნენ, მათ შორის, ააიპ „კეთილმოწყობის ცენტრის“ უფროსი მამუკა ციმინტია. ვიცე-მერმა გია გულორდავამ განაცხადა, რომ გაერკვევა ამ საკითხში და ყველაფერს გააკეთებს პრობლემის მოსაგვარებლად. თავის მხრივ, ციალა ჯოჯუა შიმშილობის აქციის შეწყვეტას მანამ არ აპირებს, სანამ დანაპირები არ შესრულდება. ციალა ჯოჯუა საცხოვრებელი ფართის დაკანონებისა და შეკეთების მოთხოვნით პერმანენტულად მართავდა აქციებს. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/