79 წლის ციალა ჯოჯუამ შიმშილობა მეთერთმეტე დღეს შეწყვიტა

მოქალაქე ციალა ჯოჯუას ჯამრთელობის მდგომარეობა გაუარესდა. თუმცა, მერიის წინ მწოლიარე აქციას განაგრძობს. ის საცხოვრებელი ფართის დაკანონებასა და სარემონტო სამუშაოების დასრულებას ითხოვს. ციალა ჯოჯუა მერიას დანაპირების შეუსრულებლობაში ადანაშაულებს და აცხადებს, რომ ამ ხნის განმავლობაში მისი პრობლემით ვიცე-მერი გია გულორდავა დაინტერესდა. "ერთადერთი, ვინც მოვიდა, იყო გია გულორდავა, რომელმაც გვითხრა, რომ ყველაფერს გაგვიკეთებდა, მაგრამ მის მერე არ ჩანს", - განაცხადა ჯოჯუამ. თავის მხრივ, ქალაქ ზუგდიდის მუნიციპალიტეტის მერიის საზოგადოებასთან ურთიერთობის განყოფილების უფროსის მაია ღუბელაძის თქმით, საცხოვრებელი ფართის დაკანონება მერიის კომპეტენციაში არ შედის. "ვიცე-მერმა გია გულორდავამ მოქალაქეს 40 კვმ მიშენების რემონტი შესთავაზა. ამჟამად მზადაა შესაბამისი ხარჯთაღრიცხვა. რემონტი წინასწარი გათვლით ახალ წლამდე უნდა დასრულებულიყო. თუმცა მოქალაქემ ამ შეთავაზებაზე უარი განაცხადა", - განაცხადა მაია ღუბელაძემ. ციალა ჯოჯუა საცხოვრებელი ფართის დაკანონებისა და შეკეთების მოთხოვნით პერმანენტულად მართავდა აქციებს. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/