შემთხვევა სამტრედიის ქუჩაზე

თბილისში, სამტრედიის ქუჩაზე, ერთ-ერთ ბინაში ასაკოვანი ქალის ცხედარი იპოვეს. არსებული ინფორმაციით, ის რამდენიმე დღის წინ გარდაიცვალა. ადგილზე მისულ მაშველებს ბინაში გარდაცვლილის გარდა,  კიდევ სამი ქალი დახვდა, მათგან ორი უგონო მდგომარეობაში იყო. ამასთან, დაუზუსტებელი ინფორმაციით, გარდაცვლილის დისშვილს, სავარაუდოდ, ფსიქიკური პრობლემები აქვს. ის ერთადერთია, ვინც სახლში შესულ მაშველებს კონტაქტური დახვდა. სამივე ქალი საავადმყოფოებში გადაიყვანეს. გარდაცვლილის ცხედარი კი, პროზექტურაში ექსპერტიზაზე გადაასვენეს. საავადმყოფოში გადაყვანილი ერთ-ერთი ქალის მდგომარეობა მძიმეა. როგორც ექიმი ამბობს, ის კონტაქტურია, თუმცა შოკურ მდგომაროებაში იმყოფება. მეორე ქალიც კონტაქტურია, თუმცა არ საუბრობს. რაც შეეხება მესამე ქალს, ის ფსიქიატრიულ საავადმყოფოში გადაიყვანეს. მომხდარზე საქმე სისხლის სამართლის კოდექსის 115-ე მუხლით არის აღძრული, რაც თვითმკვლელობამდე მიყვანას გულისხმობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.