კულტურის სამინისტრო „ერისიონის“ შენობის საკითხის მოგვარებაზე მუშაობს

დღეს, 28 ნოემბერს, კულტურის მინისტრმა მიხეილ გიორგაძემ, ეკონომიკის მინისტრის მოადგილესთან, დიმიტრი ქუმსიაშვილთან, ანსამბლ „ერისიონის“ სამხატვრო ხელმძღვანელთან, ჯემალ ჭკუასელთან და არქიტექტორებთან ერთად ანსამბლ „ერისიონისთვის“ გადასაცემი ერთ-ერთი ალტერნატიული შენობა - ე.წ. „მედიკოსების სახლი“ დაათვალიერა. სახელმწიფო ანსამბლ „ერისიონს“ შენობის პრობლემა მრავალი წელია აქვს. მის საკუთრებაშია დაუმთავრებელი ფართი პეტრიაშვილის ქუჩაზე, რომელიც სარეპეტიციოდ გამოუსადეგარია, ამიტომ ანსამბლი რეპეტიციებს რუსთაველის N16-ში მდებარე ამორტიზებულ შენობაში მართავს. კულტურის სამინისტრო ეკონომიკის სამინისტროს დახმარებით ცდილობს, მაქსიმალურად სწრაფად მოაგვაროს სახელმწიფო ანსამბლის ეს პრობლემა. „ერისიონისთვის“ გადასაცემად რამდენიმე შენობიდან ერთ-ერთი, მათ შორის „მედიკოსების სახლი“ განიხილება. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045