ანსამბლი „ერისიონი“ - 130 დასკვნითი საიუბილეო კონცერტი

27 ნოემბერს, თბილისის საკონცერტო დარბაზში, საქართველოს კულტურისა და ძეგლთა დაცვის მინისტრი მიხეილ გიორგაძე ქართული ხალხური სიმღერისა და ცეკვის სახელმწიფო აკადემიური ანსამბლის „ერისიონის” დასკვნით საიუბილეო კონცერტს დაესწრო. ანსამბლი მაყურებლის წინაშე განახლებული შოუ პროგრამით წარდგა. ღონისძიება საქართველოს კულტურისა და ძეგლთა დაცვის სამინისტროსა და თბილისის მერიის მხარდაჭერით გაიმართა. კონცერტის დაწყებამდე, საკონცერტო დარბაზის ფოიეში ანსამბლის შემოქმედებისადმი მიძღვნილი საიუბილეო ალბომის პრეზენტაცია მოეწყო. 2015 წელი „ერისიონის“ საიუბილეო წელია - სიმღერისა და ცეკვის სახელმწიფო აკადემიურ ანსამბლს დაარსებიდან 130 წელი შეუსრულდა. ამ თარიღთან დაკავშირებით, საქართველოს კულტურისა და ძეგლთა დაცვის სამინისტროს მხარდაჭერით, „ერისიონმა“ საქართველოს მასშტაბით საკონცერტო ტურნე გამართა. http://www.culture.gov.ge/   / culturegovge   http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045