რუსეთის საომარი მოქმედებები უკრაინაში

უკრაინაში საომარი მოქმედებები გრძელდება. იბომბება ქალაქები. სუმის ოლქში მომხდარი იერიში შედეგად აფეთქდა საცხოვრებელი სახლები. დაღუპულთა შორის არიან ბავშვებიც. ინფორმაციას უკრაინული მედია ავრცელებს. პარალელურად, ქვეყნის შეიარაღებულმა ძალებმა რუსეთის საზენიტო-სარაკეტო კომპლექსი „ბუკი“ გაანადგურეს. უკრაინის არმიის გენშტაბის ინფორმაციით, რუსული საოკუპაციო ჯარების წინსვლა მნიშვნელოვნად შენელებულია. უკრაინელი სამხედროების განცხადებით, ოკუპანტი სამხედროები დემორალიზებული არიან, ხშირად მიმართავენ მოროდიორობასა და საერთაშორისო ჰუმანიტარული სამართლის ნორმებს არღვევენ. ძლიერი ხანძარი იყო ჟიტომირში, სადაც ავიაიერიშის შედეგად ნავთობის საცავში ხანძარი გაჩნდა. ცეცხლი ორ რეზერვუარს წაეკიდა. ახლოს მდებარე სახლებიდან მოსახლეობის ევაკუაცია განხორციელდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.