რუსეთის საომარი მოქმედებები უკრაინაში

რუსული სარაკეტო დარტყმების შედეგად, უკრაინის ენერგოსისტემის თითქმის 50% მწყობრიდან არის გამოსული - ინფორმაციას უკრაინის პრემიერ-მინისტრი ავრცელებს. მისივე ცნობით, დაზიანებული ინფრასტრუქტურის აღსადგენად სამუშაოები უწყვეტ რეჟიმში მიმდინარეობს, თუმცა არ არის გამორიცხული, გარკვეულ ქალაქებში მოსახლეობა ელექტროენერგიის გარეშე რამდენიმე კვირით დარჩეს. ამის შესახებ ადგილობრივები უკვე გააფრთხილა ლვოვის მერმაც. ამ დროისთვის, ქვეყნის მთელ ტერიტორიაზე, ავარიული გათიშვები აღმოფხვრილია, თუმცა ელექტროენერგია დასახლებებს მაინც გრაფიკით მიეწოდებათ. ახალი თავდასხმის შესახებ ინფორმაცია ვრცელდება ზაპოროჟიედანაც, სადაც ღამის განმავლობაში შვიდი ძლიერი აფეთქების ხმა გაისმა. ოლქის მეთაურის განცხადებით, სამიზნე სამრეწველო ინფრასტრუქტურა გახდა, სადაც ძლიერი ხანძარი გავრცელდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.