ქართველ იუნკერთა ხსოვნის დღე

დამოუკიდებლობისთვის თავდადებულად მებრძოლთა დღე. 23 თებერვალს ქვეყანა იუნკერებს იხსენებს. კოჯორსა და ტაბახმელაში საბჭოთა რუსეთის წითელი არმიის წინააღმდეგ გამართული გმირული ბრძოლის შემდეგ 102 წელი გავიდა. ორი წლით ადრე, 1919 წელს გენერალ გიორგი კვინიტაძის მიერ გახსნილი თბილისის სამხედრო სკოლის იუნკერები დედაქალაქის მისადგომებს მტრისგან რამდენიმე დღის განმავლობაში იცავდნენ და დროის ამ მონაკვეთში არაერთი იერიში მოიგერიეს. უამრავი მცდელობის და რიცხობრივი უპირატესობის მიუხედავად, საოკუპაციო ძალებმა მათი პოზიციების გარღვევა ვერ მოახერხეს. უთანასწორო შეტაკებებს იუნკერების დიდი ნაწილი ემსხვერპლა. 25 თებერვალს თბილისში რუსეთის მე-11 არმია გამოჩნდა. 102 წლის წინანდელი გმირული და თავდადებული ბრძოლა დღეს კიდევ ერთხელ გაიხსენეს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.