შეხვედრა „ქართლში“ მცხოვრებ დევნილებთან

ყოფილ სანატორიუმ „ქართლის“ შენობაში მცხოვრები დევნილების პრობლემა ისევ გადაუჭრელია. ჯანდაცვის სამინისტროს შეთავაზებას მხოლოდ 16 ოჯახი დათანხმდა. მათი ნაწილი შეთავაზებულ თანხაში ბინებს თავად მოიძიებს, მეორე ნაწილი კი ახლადაშენებულ კორპუსებში უკვე შესახლდა. დანარჩენი 100-ზე მეტი ოჯახი კი სამინისტროს არცერთ შეთავაზებას არ თანხმდება და პროცესს სრულ უნდობლობას უცხადებს. იძულებით გადაადგილებული პირების მტკიცებით, უწყების მიერ კვადრატულ მეტრში შეთავაზებული 550 $ არასაკმარისია და თანხის გაზრდას ითხოვენ, დევნილებს არც ქირით უზრუნველყოფის დაპირების სჯერათ. დღევანდელი უშედეგო შეხვედრის შემდეგ, მოლაპარაკებების მორიგი რაუნდი ორ კვირაში შედგება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.