შეხვედრა ბოლნისის მუნიციპალიტეტში მცხოვრებ ფერმერებთან

ბოლნისის მუნიციპალიტეტის სოფელ ნახიდურში, ცენტრალური და ადგილობრივი ხელისუფლების წარმომადგენლებმა, სოფლის მეურნეობის ანტიკრიზისული გეგმის შესახებ - „ზრუნვა სოფელზე და ფერმერზე”, ადგილობრივ ფერმერებთან საინფორმაციო შეხვედრა გამართეს. ქვემო ქართლში სახელმწიფო რწმუნებული, შოთა რეხვიაშვილი და საქართველოს გარემოს დაცვისა და სოფლის მეურნეობის მინისტრის მოადგილე, სოლომონ პავლიაშვილი, მუნიციპალიტეტის ხელმძღვანელ პირებთან ერთად, პირადად შეხვდნენ სოფელ ნახიდურში, ხიდისყურსა და ფარიზში მცხოვრებ ფერმერებს და სეზონური მოსავლის რეალიზაციის პროცესში მხარდაჭერას დაპირდნენ. საუბარი შეეხო, მთავრობის მიერ შემუშავებული ანტიკრიზისული გეგმის კონკრეტულ პუნქტებს, რომელიც სასოფლო-სამეურნეო საქმიანობის, სხვადასხვა პრიორიტეტული მიმართულებების, ხელშეწყობას ითვალისწინებს. აღსანიშნავია, რომ სამთავრობო უწყებებისა და კერძო კომპანიების ერთობლივი ძალისხმევით, არსებული საკარანტინო შეზღუდვების მიუხედავად, რეგიონის მუნიციპალიტეტებიდან სასოფლო-სამეურნეო პროდუქტის რეალიზება შეუფერხებლად მიმდინარეობს. #ქვემოქართლი2020 #ბოლნისი2020 #სოფლისმეურნეობა2020 #StopCoV #COVID19