„ტყეების მდგრადი მართვა საქართველოში“ აღნიშნული პროექტი ავსტრიის განვითარების სააგენტოს მხარდაჭერით კავკასიის გარემოსდაცვითი არასამთავრობო ორგანიზაციათა ქსელ „სენის“ მიერ ხორცოიელდება. პროექტი საქართველოს შვიდ რეგიონს მოიცავს. მისი მიზანია, სატყეო სექტორში გამჭირვალობის პრინციპის დამკვიდრება და ტურიზმის განვითარების ხელშეწყობა. ბუნების მოყვარულთა საზოგადოების წევრის, კახა სუხიტაშვილის თქმით, პროექტის ფარგლებში 31 ოქტომბერს მდინარე სვიანას სანაპიროზე 3 რეკრეაციული ზონა შეირჩა, სადაც დაგეგმილია საპიკნიკე ადგილების შესაბამისი ინფრასტრუქტურით მოწყობა, ასევე რეკრეაციულ ზონებზე ტყის ტერიტორიის დაბინძურება და ვანდალიზმის შემცირება. პროექტი „ტყეების მდგრადი მართვა საქართველოში“ დამუშავების პროცესშია და ამ დროისთვის აღნიშნული სამუშაოების დაწყების ვადები არ არის ცნობილი.
ვებ-გვერდზე გადასვლა:
http://bit.ly/1rTmtsX
ვებ-გვერდზე გადასვლა:
http://bit.ly/1rTmtsX
