მნიშვნელოვანია სხვა რეკომენდაციების შესრულებაც - სერგი კაპანაძე მიხეილ კალანდიას დაკავებაზე

(ახალი ამბები 04.06.2019) მნიშვნელოვანია სხვა რეკომენდაციების შესრულებაც - სერგი კაპანაძე მიხეილ კალანდიას დაკავებაზე ხორავას ქუჩის საქმეზე, დავით სარალიძის მკვლელობაში თანამონაწილობისთვის მიხეილ კალანდიას დაკავების ფაქტს, ამავე საქმეზე სემნილი საპარლამენტო საგამოძიებო კომისიის ხელმძღვანელი სერგი კაპანაძე ეხმაურება. მისი თქმით, სწორედ კალანდიას მიმართ ბრალის წარდგენა იყო მთავარი რეკომენდაცია, რაც კომისიამ გასცა. "იმისათვის, რომ ამ საქმეში სამართალი ბოლომდე იყოს დაკმაყოფილებული მნიშვნელოვანია, დანარჩენი რეკომენდაციების შესრულებაც. მათ შორის, იმ ადამიანების პასუხისმგებლობაც, რომლებმაც ეს საქმე გააყალბეს. მნიშვნელოვანია, რომ ბოლომდე დადგეს შედეგი. თუ დადგინდება მათი არამართლზომიერი ქმედებები, ისინიც უნდა მიეცნენ პასუხისმგებლობაში. საგამოძიებო კომისიამ რეკომენდაცია გამოსცა შარშან. ჩვენ გვახსოვს, რომ კომისიის მუშაობის დაწყებისთანავე მალევე გამოვეცით შუალედური რეკომენდაცია, რომ მიხეილ კალანდიას უნდა წაყენებოდა ბრალი" - განაცხადა სერგი კაპანაძემ გამოიწერეთ ჩვენი არხი და იყავით აქტუალური მოვლენების ეპიცენტრში: https://goo.gl/anfTFi