რუსეთის საომარი მოქმედებები უკრაინაში

რუსი სამხედროების გასვლის ნაცვლად გადაჯგუფება - უკრაინის ქალაქებზე ავიადარტყმები არ წყდება. შეტევა ძლიერდება დონეცკი-ლუგანსკის მიმართულებით, რომელთა სრული კონტროლის ქვეშ მოქცევა მოწინააღმდეგის მთავარი მიზანია. უკრაინის შეიარაღებული ძალების ინფორმაციით, სწორედ დონბასისკენ ხდება ახლა რუსეთის საოკუპაციო ძალების ძირითადი ნაწილის გადასროლა. უკრაინული მხარე ოდესაზე მოსალოდნელი სარაკეტო იერიშების საფრთხეზეც საუბრობს. უკრაინის ხელისუფლების მსგავსად, სამხედრო აქტივობების შემცირებაზე რუსეთის დაპირებას დასავლეთიც სკეპტიკურად უყურებს. ხვალ მოლაპარაკებები ისევ ონლაინ-ფორმატში გაგრძელდება. დღის წესრიგში სულ უფრო აქტუალური ხდება ზელენსკი-პუტინის შეხვედრა, რომლის ორგანიზების სურვილს კიდევ ერთხელ აფიქსირებს შუამავალი თურქეთის პრეზიდენტი. სავარაუდო შეთანხმების პროექტი შესაძლოა მომდევნო კვირას იყოს მზად, სწორედ მისი მომზადების შემდეგ განიხილება პრეზიდენტების აუდიენციის დაგეგმვა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.