საქველმოქმედო ფონდი „ლირა"

რუსთაველის თეატრის დიდ დარბაზში გაიმართა ქართველი პიანისტისა და საზოგადო მოღვაწის ელისო ბოლქვაძის საქველმოქმედო ფონდის „ლირა" პრეზენტაცია. პრეზენტაციის ფარგლებში შედგა ასევე გალა კონცერტი, რომელშიც მონაწილეობდნენ ელისო ბოლქვაძე, „საქართველოს სინფონიეტა", იტალიიდან მოწვეული დირიჟორი დანიელ ბელარდინელი და ფონდის „ლირა" მომავალი სტიპენდიანტები, ბარბარე თათარაძე და ილია ლომთათიძე. კონცერტზე შემოსული თანხა მოხმარდება სტიპენდიების გაცემას, მასტერკლასებს საზღვარგარეთ და ფესტივალებში მონაწილეობის დაფინანსებას. ფონდი „ლირა" მიზნად ისახავს გამოავლინოს და მხარი დაუჭიროს ახალგაზრდა ქართველ პიანისტებს. ასევე, გაუწიოს მათ ფინანსური დახმარება სტიპენდიების სახით და საერთაშორისო კონკურსებში მონაწილეობის მისაღებად შეუქმნას ხელსაყრელი პირობები. ფონდი მჭიდროდ თანამშრომლობს პიანისტთა საერთაშორისო ფონდთან „SOS Talents -- Michel Sogny" (შვეიცარია). http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045