რუსეთის საომარი მოქმედებები უკრაინაში

უკრაინაში ომის 405-ე დღეა. გვიან ღამით რუსეთმა უკრაინაზე ირანული წარმოების კამიკაძე-დრონებით თავდასხმა განახორციელა. უკრაინის სამხედრო-საჰაერო ძალების ინფორმაციით, უკრაინულმა მხარემ ოკუპანტების მიერ გაშვებული 17 დრონიდან 14 გაანადგურა. მანამდე გავრცელდა ინფორმაცია ოდესაში აფეთქებების შესახებ. უკრაინის გენშტაბის ცნობით, გასული დღე-ღამის განმავლობაში უკრაინის თავდაცვის ძალებმა ოთხ მიმართულებაზე მოწინააღმდეგის 69 თავდასხმა მოიგერიეს. მტრის ძირითადი ძალისხმევა კვლავ კონცენტრირებულია ლიმანის, ბახმუტის, ავდეევკისა და მარიინსკის მიმართულებებზე. ომის შესწავლის ინსტიტუტის ინფორმაციით, „ვაგნერის“ ძალებმა ბახმუტში ადმინისტრაციული შენობა დაიკავეს. პრეზიდენტმა ვოლოდიმირ ზელენსკიმ ფრონტზე არსებული სიტუაცია სამხედრო მეთაურებთან ჩერნიგოვში გამართული შეხვედრისას განიხილა. მისი თქმით, უკრაინის მიწების გასათავისუფლებლად აქტიური მოქმედებების მომზადება მიმდინარეობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.