21 მაისი კულტურული მრავალფეროვნების მსოფლიო დღეა დიალოგისა და განვითარებისათვის. ეს თარიღი საქართველოს კულტურისა და ძეგლთა დაცვის სამინისტროს მხარდაჭერით პანკისის ხეობაში, სოფელ დუისში აღინიშნა; საზეიმო ღონისძიებებს საქართველოს კულტურისა და ძეგლთა დაცვის მინისტრი მიხეილ გიორგაძე, ადგილობრივი ხელისუფლების წარმომადგენლები, ახმეტის მაცხოვრებლები და მოწვეული სტუმრები დაესწრნენ.
21 მაისს, სოფელ დუისში, თეატრონის ტერიტორიაზე, ღია ცის ქვეშ სხვადასხვა სპორტული შეჯიბრება გაიმართა: დოღი, მშვილდოსნობა, ქართული ჭიდაობა, მკლავჭიდი, მარათონული სირბილი; მოეწყო ასევე სამუზეუმო ექსპონატებისა და ტრადიციული ხელნაკეთი ნივთების გამოფენა, ასევე ტრადიციული სამზარეულოს დეგუსტაცია. შედგა ცნობილი პოეტის, გალაკტიონ ტაბიძის პრემიის ლაურეატის, ბაღათერ არაბულის წიგნის - „ხევსურული საგა“ პრეზენტაცია, რომელიც საქართველოს კულტურისა და ძეგლთა დაცვის სამინისტროს მხარდაჭერით გამოიცა. წიგნი აერთიანებს ხალხურ მითებს და ლეგენდებს - გადმოცემებს, რომელიც ხევსურეთშია შემორჩენილი და კავკასიელ ხალხთა (ქართველებისა და ჩეჩენ-ინგუშების) მეგობრობისა და გმირობის ამბავს ასახავს.
http://culture.gov.ge/
21 მაისს, სოფელ დუისში, თეატრონის ტერიტორიაზე, ღია ცის ქვეშ სხვადასხვა სპორტული შეჯიბრება გაიმართა: დოღი, მშვილდოსნობა, ქართული ჭიდაობა, მკლავჭიდი, მარათონული სირბილი; მოეწყო ასევე სამუზეუმო ექსპონატებისა და ტრადიციული ხელნაკეთი ნივთების გამოფენა, ასევე ტრადიციული სამზარეულოს დეგუსტაცია. შედგა ცნობილი პოეტის, გალაკტიონ ტაბიძის პრემიის ლაურეატის, ბაღათერ არაბულის წიგნის - „ხევსურული საგა“ პრეზენტაცია, რომელიც საქართველოს კულტურისა და ძეგლთა დაცვის სამინისტროს მხარდაჭერით გამოიცა. წიგნი აერთიანებს ხალხურ მითებს და ლეგენდებს - გადმოცემებს, რომელიც ხევსურეთშია შემორჩენილი და კავკასიელ ხალხთა (ქართველებისა და ჩეჩენ-ინგუშების) მეგობრობისა და გმირობის ამბავს ასახავს.
http://culture.gov.ge/
