განცხადება ყინწვისის ტაძარში მიმდინარე უკანონო სამუშაოებზე

საქართველოს კულტურული მემკვიდრეობის დაცვის ეროვნული სააგენტო, ყინწვისის ტაძარშია დგილობრივი სასულიერო პირების მიერ ახალი იატაკის ფენილის მოწყობას თვითნებობად და უკანონობად აფასებს. სააგენტოს განცხადებით, სახელმწიფო ინსტიტუციებისა და სათანადო სარესტავრაციო მეთოდოლოგიის აბსოლუტური უგულებელყოფით შესრულებული სამუშაოები, სრულ წინააღმდეგობაშია მოქმედ კანონმდებლობასთან და ძეგლთა დაცვით პრინციპებთან, უხეშად ხელყოფს ზოგადეროვნულ ფასეულობას და მნიშვნელოვნად აზიანებს კულტურულ მემკვიდრეობას. სააგენტოს ინფორმაციით, იყო არაერთი მცდელობა, რომ ეს თვითნებური სამუშაოები აღკვეთილიყო, თუმცა ადგილობრივმა სასულიერო პირებმა  უწყების ზედამხედველობის სამსახურის ჯგუფი სამონასტრო კომპლექსის ტერიტორიაზე არ დაუშვეს. სააგენტო მზად არის, მოამზადოს სარეაბილიტაციო პროექტი და ეკლესიაში იატაკის შეცვლასთან ერთად, სხვა პრობლემურ საკითხებზეც იმუშაოს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.