ვითარება ყიწვისის სამონასტრო კომპლექსში

კულტურული მემკვიდრეობის ეროვნული სააგენტო ყინწვისის სამონასტრო კომპლექსში არსებული ვითარების გამოსასწორებლად ახალი პროექტის შემუშავებას იწყებს. ეკლესიის იატაკს, რომელზეც ადგილობრივი სასულიერო პირების გადაწყვეტილებით მწვანე ფილები დააგეს, სარეაბილიტაციო სამუშაოები ხელახლა უნდა ჩაუტარდეს. ჯერჯერობით უცნობია, დათანხმდება თუ არა ეკლესიის წინამძღვარი აღნიშნული პროექტის განხორციელებას, რადგან მისი განცხადებით, წმინდა ნიკოლოზის ეკლესიაში იატაკის შეცვლით კულტურული მემკვიდრეობა არ დაზიანებულა. ეკლესიის წინამძღვარმა იღუმენმა ეფრემმა დღეს პირველი განმარტება გააკეთა და სარეაბილიტაციო სამუშაოების შეუთანხმებლად განხორციელების ერთ-ერთ მიზეზად სააგენტოსთან კომუნიკაციის პრობლემა დაასახელა. რას გეგმავს კულტურული მემკვიდრეობის ეროვნული სააგენტო და რა პოზიციას დაიკავებს საპატრიარქო, რომელიც სარეაბილიტაციო სამუშაოების შესახებ ინფორმირებული არ იყო, – „მოამბის“ რეპორტაჟი ყინწვისიდან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.