განათლების როლი ძალადობრივი ექსტრემიზმის პრევენციასა და გამკლავებაში

შემეცნებითი ვიდეორგოლი ძალადობრივი ექსტრემიზმის პრევენციასა და გამკლავების პროცესში განათლების როლის შესახებ. ვიდეორგოლი წარმოადგენს, ძალადობრივ ექსტრემიზმთან გამკლავების სასწავლო პროგრამის მეექვსე მოდულის შეჯამებას. მოცემული მოდული იძლევა ზოგად წარმოდგენას საგანმანათლებლო ინიციატივების ან რეფორმების პოტენციალის შესახებ ძალადობრივი ექსტრემიზმის მამოძრავებელ ფაქტორებთან ბრძოლაში, რაც ხელს უწყობს ძალადობრივი ექსტრემიზმის პრევენციას კიდევ უფრო მძლავრი აუდიტორიის შექმნის გზით. მოდულში განხილულია, საგანმანათლებლო სისტემაში ძალადობრივი ექსტრემიზმის პოტენციური, დამაბრკოლებელი ან მამოძრავებელი ფაქტორები. ძალადობრივ ექსტრემიზმთან გამკლავების სასწავლო პროგრამა წარმოადგენს, ამ მიმართულებით, პირველ ქართულენოვან სასწავლო პროგრამას. იგი მომზადდა ორგანიზაციის „Search for Common Ground“ მიერ „Hedayah“-ს ცენტრთან თანამშრომლობითა და ევროკავშირის ფინანსური მხარდაჭერით, პროგრამის „STRIVE Global“ ფარგლებში, ხოლო ქართული რეალობისთვის ადაპტირდა საქართველოს სტრატეგიის და განვითარების ცენტრის (GCSD) მიერ. ვიდეო მომზადდა პროექტის “ძალადობრივი ექსტრემიზმის პრევენცია საქართველოში - საჯარო მოხელეებისა და სამოქალაქო საზოგადოების შესაძლებლობების განვითარება” ფარგლებში, რომელსაც GCSD ჰედაიას ცენტრთან თანამშრომლობით ახორციელებს. “ძალადობრივ ექსტრემიზმთან გამკლავება - კონცეფციების, პროგრამების შექმნისა და მოწინავე პრაქტიკის შესახებ გაცნობითი ხასიათის სახელმძღვანელო” შეგიძლიათ იხილოთ ბმულზე - http://bit.ly/3h5biQR