საპროტესტო გამოსვლები მინსკში

უკვე ერთი კვირაა, რაც ბელარუსში საპროტესტო გამოსვლები გრძელდება. დემონსდრატნებს ბელარუსის ტელე-რადიოკომპანიის თანამშრომელთა ნაწილიც შეუერთდა.  დღეს მინსკში ანტისამთავრობო მანიფესტაციასთან ერთად, პრეზიდენტის, ალექსანდრ ლუკაშენკოს მხარდამჭერი აქციაც არის დაგეგმილი. მომიტინგეები მასობრივი დაკავებებისა და საპროტესტო აქციის დაშლისას სამართალდამცველების მხრიდან ძალის გამოყენებისა და მიღებული დაზიანებების შესახებ საუბრობენ. ამასთან, გავრცელდა ვიდეოჩანაწერები, სადაც სავარაუდოდ, 10 აგვისტოს მინსკში მომიტინგის გარდაცვალების მომენტი ჩანს. კერძოდ, ორ ჩანაწერში ჩანს, რომ მამაკაცი სპეცრაზმის კორდონთან ხელებაწეული მიდის, ასევე დაფიქსირებულია სპეცრაზმელების მხრიდან გასროლისა და დემონსტრანტის დაცემის მომენტი. საპროტესტო გამოსვლები ბელარუსის ქალაქებში მას შემდეგ დაიწყო, რაც 9 აგვისტოს ჩატარებულ საპრეზიდენტო არჩევნებში, გამარჯვებულად მოქმედი პრეზიდენტი ალექსანდრ ლუკაშენკო გამოცხადდა. ლუკაშენკოს მეტოქემ, სვეტლანა ტიხანოვსკაიამ ქვეყანა დატოვა და ამჟამად ლიეტუვაში იმყოფება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.