საგამოძიებო სამსახურის წარმომადგენელი „ვივამედში“

24.12.2022 02:48

პირველი არხი Georgian Public Broadcaster

არხი

კიდევ ერთი უარი სპეციალურ საგამოძიებო სამსახურს. მიხეილ სააკაშვილი ბიოლოგიური მასალის ჩაბარებას ისევ არ თანხმდება. საგამოძიებო უწყების წარმომადგენელი ექსპერტიზის ჩასატარებლად კლინიკა „ვივამედში“ დღეს უკვე მეოთხედ იმყოფებოდა, თუმცა პროცედურა ამჯერადაც ჩავარდა. სამედიცინო დაწესებულებაში იმყოფებოდა დღეს ყოფილი პრეზიდენტის ადვოკატიც. შალვა ხაჭაპურიძე ამბობს, რომ სპეციალურ სამსახურს არ ენდობიან და უცხოელი ექსპერტების მოწვევას ითხოვენ. შვილის მოსანახულებლად საავადმყოფოში იმყოფებოდა დღეს გიული ალასანიაც. მისი განცხადებით, მიხეილ სააკაშვილის მდგომარეობა კვლავ მძიმეა. აქვე გეტყვით, რომ მიხეილ სააკაშვილის შეწყალების მოთხოვნით პეტიცია შედგა. მას მხოლოდ ქალები აწერენ ხელს და სალომე ზურაბიშვილს ექსპრეზიდენტის შეწყალებისკენ მოუწოდებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: