ზუგდიდში ძლიერი წვიმის შედეგად საცხოვრებელი სახლების პირველი სართულები დაიტბორა

ზუგდიდში, რამდენიმე ქუჩაზე, ძლიერი წვიმის შედეგად საცხოვრებელი სახლების პირველ სართულებზე წყალი შევარდა. რამდენიმე ათეული სახლის პირველი სართულები დატბორილია დიმიტროვისა და ბერიას ქუჩებზე, ასევე კუჩხობონის უბანში. ბერიას ქუჩაზე, სახლებში წყალი დილის 7 საათზე შევიდა. ადგილობრივების ინფორმაციით, ეს პირველი შემთხვევა არ არის და არსებულ სიტუაციას სანიაღვრე არხების არასწორი მოწყობა იწვევს. მათივე ცნობით, ადგილზე ქალაქის მერიის სამსახურების წარმომადგენლები იმყოფებოდნენ, თუმცა, განუცხადეს, რომ ამ ეტაპზე მათ დახმარებას ვერ შეძლებენ.„წლებია, ეს პრობლემები გვაქვს და ამის სესახებ იცის პირადად მერმაც, მაგრამ ამას საშველი არ დაადგა. არასწორად არის ეს სანიაღვრე სისტემა დაპროექტებული. პირველი სართულები დატბორილია და წყალს შერეულია ფეკალური მასები. სიბინძურეა და ინფექციის საფრთხეა“, - უთხრა რადიო "ათინათს" ადგილობრივმა ციცო ყურაშვილმა.მცხოვრებლები დახმარებას ადგილობრივი ხელისუფლებას სთხოვენ. მერიაში აღნიშნული ტერიტორიის შესახებ ამბობენ, რომ სანიაღვრე არხის რეაბილიტაციის საპროექტო სამუშაოები დასრულებულია. „ტენდერის დასრულების შემდგომ დაიწყება სარეაბილიტაციო სამუშაოები. რეაბილიტაციის დასრულება სავარაუდოდ მიმდინარე წლის სექტემბრის თვეში იგეგმება“.ქალაქის ტერიტორიაზე ამ დროისთვის არსებულ სიტაუციას, მერიის პრესსამსახურის ინფორმაციით, შესაბამისი სამსახურები შეზღურდული რესურსებით მუშაობენ. „ამ წუთისათვის მერიის ცხელ ხაზზე 13 შეტყობინებაა შემოსული ეზოების დატბორვის თაობაზე. ადგილზე მობილიზებულია სამაშველო სამსახური და მერიის შესაბამისი სამსახურები, აგრეთვე კეთილმოწყობის ცენტრის თანამშრომლები. მნიშვნელოვანი ზიანის შესახებ, ჯერჯერობით, ინფორმაცია არ არის შემოსული“, - უთხრა რადიო „ათინათს“ პრესსამსახურის ხელმძღვანელმა მაია ღუბელაძემ. ცნობისთვის, ზუგდიდსა და ზუგდიდის მუნიციპალიტეტში მთელი ღამის განმავლობაში ძლიერმა წვიმამ სხვადასხავ პრობლემა შექმნა. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/