რუსეთის საომარი მოქმედებები უკრაინაში

რუსეთის საოკუპაციო ძალებმა უკრაინაში, მხოლოდ ერთ დღეში 23 საავიაციო და ერთი სარაკეტო იერიში განახორციელეს. უკრაინის არმიის გენშტაბის ინფორმაციით, რუსმა სამხედროებმა ზალპური ცეცხლის რეაქტიული სისტემებიდან უკრაინის არმიის პოზიციები და დასახლებული პუნქტები 20-ჯერ დაბომბეს. უკრაინული მედია ამბობს, რომ საოკუპაციო ძალებმა უკრაინის დონეცკის ოლქში არტილერიით ორი ქალაქი - ტორეცკი და ჩასოვ იარი დაბომბეს, რასაც ორი ადამიანი ემსხვერპლა. სამჯერ დაიბომბა ქალაქი ხერსონი, დაზიანებულია სკოლის შენობა და მრავალსართულიანი სახლები. დაბომბვის შედეგად დაშავდა 9 ადამიანი. რუსეთის თავდასხმების მოგერიება უკრაინამ ავდეევკის, ბახმუტის, მარინკისა და ლიმანის მიმართულებით შეძლო. პარალელურად, უკრაინის სახელმწიფო საზღვრის დაცვის სამსახურის მებრძოლებმა ნაღმმტყორცნებით რუსეთის ქვეითი ჯარის პოზიციები დაბომბეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.