მამუკა ბახტაძე ევროპარლამენტის სადამკვირვებლო დელეგაციას შეხვდა

27.10.2018 00:41

პირველი არხი Georgian Public Broadcaster

არხი

პრემიერ-მინისტრი ევროპარლამენტის სადამკვირვებლო დელეგაციას შეხვდა. შეხვედრაზე საუბარი შეეხო 28 ოქტომბრის საპრეზიდენტო არჩევნებსა და ქვეყანაში არსებულ წინასაარჩევნო გარემოს. პრემიერ-მინისტრმა აღნიშნა, რომ მთავრობა ამჯერადაც უზრუნველყოფს არჩევნების სამართლიან, თავისუფალ და გამჭვირვალე გარემოში ჩატარებას. ევროპარლამენტის დელეგაციის წარმომადგენლებმა წინასაარჩევნო პერიოდის გამოწვევად ცალკეული კანდიდატების მიმართ სიძულვილის ენისა და შეურაცხმყოფელი რიტორიკის გამოყენება დაასახელეს და იმედი გამოთქვეს, რომ არჩევნები მშვიდ გარემოში ჩაივლის. საუბარი ასევე შეეხო საქართველოს ოკუპირებულ ტერიტორიებზე არსებულ ვითარებასა და ადამიანის უფლებების კუთხით შექმნილ მძიმე მდგომარეობას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: