ბავშვის გატაცებაში ბრალდებული ქალი: თუ დამიმტკიცეს, როგორ უნდა ვიცხოვრო

მცირეწლოვანი გოგონას მძევლად აყვანის ბრალდებით დაკავებული ემა კვირტია თავს უდანაშაულოდ მიიჩნევს და ამბობს, რომ წარდგენილი ბრალდება მისთვის შოკის მომგვრელია. ამის შესახებ მან ჟურნალისტებს სასამართლოს დაწყებამდე უთხრა. ზუგდიდის რაიონულმა სასამართლომ აღნიშნულ საქმეზე ბრალდებულების აღმკვეთ ღონისძიებაზე დღეს უნდა იმსჯელოს. "დედა, მამა და ყველა ჩემი დახმარებით იკვებებოდნენ. ის კი არა ამ ბავშვის ნათლია უნდა ვყოფილიყავი მე. ამას დედაც ამბობს. ამ ბრალებას, რომ გავეცანი ეს არის შოკის მომგვრელი, ეს თუ დამიმტკიცდა მე თავს მოვიკლავ. თავს მოვიკლავ იმიტომ, რომ ამის შემდეგ როგორ უნდა იცხოვროს ადამანმა. ყველას კითხეთ, გამოკითხეთ მეზობლები ემა კვირტია და ვასო ახალაია, როგორი ადამიანები არიან და როგორ და რა პრინციპებით ვცხოვრობთ,როგორ ვარსებობთ საერთოდ", - თქვა ბრალდებულმა. ემა კვირტია წინასწარი დაკავების იზოლატორიდან პროკურატურის გადაწყვეტილებით გუშინ გაათავისუფლეს. მისი ადვოკატის ბაჩუკი ყურაშვილის ინფორმაციით, პროკურატურამ გაითვალისწინა ის გარემოება, რომ მას მცირეწლოვანი შვილი ჰყავს. მეორე ბრალდებული წინასწარი დაკავების იზოლატორში რჩება. 28 მაისს საკუთარი საცხოვრებელი სახლიდან პოლიციამ სასამართლოს განჩინების საფუძველზე ცოლ-ქმარი, ემა კვირტია და ვასო ახალაია დააკვა. ისინი მძევლად ხელში ჩაგდების ბრალდებით აიყვანს. გამოძიება 144-ე მუხლის მეორე ნაწილით, მძევლად ხელში ჩაგდების ბრალდებით დააკავეს. აღნიშნული ქმედება ცხრიდან 14 წლამდე თავისუფლების აღკვეთას ითვალისწინებს. გავრცელებული ინფორმაციით, ემა კვირტიამ ბავშვი ვალის სანაცვლოდ წამიიყვანა, რასაც თავად ბრალდებული არ აღიარებს. მეზობლების ინფორმაციით, კი კვირტიამ ბავში იმიტომ წამოიყვანა, რომ მოეწესრიგებინა და მშიერი ბავშვი დაეპურებინა. მათივე ინფორმაციით, მსგავსი პაქტი არაერთხელ მომხდარა და ისინი ოჯახის ახლობლები არიან. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI Google+: https://plus.google.com/u/1/116211701... Twitter: https://twitter.com/Atinati1059 Instagram: https://www.instagram.com/radioatinat...