ბავშვის გატაცების მცდელობა თბილისში

12.08.2020 05:04

MULTIMEDIA GE

არხი

შემთხვევა თბილისში, 48 წლის მამაკაცმა 5 წლის ბავშვი ეზოდან მოტყუებით გაიყვანა და სავარაუდოდ მის გატაცებას ცდილობდა. მეზობლების განცხადებით, ის ბავშვს ეუბნებოდა, რომ მისი მამა იყო, თუმცა მან ისიც კი არ იცოდა, გოგო იყო თუ ბიჭი. მამაკაცმა იქვე მდგარ მანქანის მძღოლს მეტრომდე ჩაყვანა სთხოვა, მაგრამ მძღოლს მისი ქცევა საეჭვოდ მოეჩვენა და წაყვანაზე უარი უთხრა, გარდა ამისა, მეზობლების აქტიურობამაც გამოიღო შედეგი და დამნაშავემ პატარას წაყვანა ვერ მოახერხა, ის პოლიციამ ადგილზე დააკავა. დაკავებული დავით გეჯაძე დანაშაულს არ აღიარებს და ამბობს, რომ არაფერი არ ახსოვს, ის არც გამოძიებასთან თანამშრომლობს. ახლა მას ფსიქიატრიული ექსპერტიზა უნდა ჩაუტარდეს, რომლის შემდეგ დადგინდება, თუ რა მოტივით ჩაიდინა დანაშაული, იყო ეს გაუცნობიერებელი ქმედება, თუ ოჯახისთვის გამოსასყიდის მოთხოვნა. მეზობლები კი გატაცების მოტივად გამოსასყიდს ასახელებენ, მათივე ინფორმაციით ბავშვის მამა საზღვარგარეთ იმყოფება. მოიწონეთ ჩვენი გვერდი ფეისბუქზე, მიჰყევით ამ ბმულს: https://bit.ly/2D9tHM9 MULTIMEDIA.GE - მულტიმედია

გაზიარება: