მეფრინველეობის კომპლექსის გახსნა

გარდაბნის მუნიციპალიტეტში, შპს „ჩირინას“ სართიჭალის მეფრინველობის კომპლექსი, სართიჭალა 3-ი ოფიციალურად გაიხსნა. ღონისძიებას ეკონომიკისა და მდგრადი განვითარების მინისტრი, ნათია თურნავა, გარემოს დაცვისა და სოფლის მეურნეობის მინისტრი, ლევან დავითაშვილი, ქვემო ქართლში სახელმწიფო რწმუნებული, შოთა რეხვიაშვილი, მუნიციპალიტეტის მერი რამაზ ბუდაღაშვილი და კომპანიის წარმომადგენლები, სხვა მიწვეულ სტუმრებთან ერთად დაესწრნენ. კომპლექსი თანამედროვე ტექნოლოგიით აღჭურვილი 14 ფერმერული სახლისგან შედგება. განხორციელებული ინვესტიციის მოცულობაა 35 მლნ ლარი. პროექტის ფარგლებში შპს „ჩირინა“ ყოველთვიურად დამატებით 600 ტონა ხორცის წარმოებას მოახდენს. ადგილზე დასაქმდება 50 ადამიანი. საწარმოო მოცულობების გაფართოების და განვითარების მიზნით, „ჩირინამ“ ახალი მეფრინველეობის კომპლექსის „სართიჭალა-3“-ის აშენება EBRD-ის თანადაფინანსებით განახორციელა. კომპანია „ჩირინა“ 2010 წელს დაარსდა და 2013 წლიდან პროდუქციის ბაზარზე გაშვების დღიდან ლიდერი კომპანიის პოზიცია დაიმკვიდრა. უკვე 7 წელია რაც „ბიუ ბიუ“-ს ბრენდის გაყინული და ნედლი ქათმის ხორცპროდუქტები ყოველდღიურად ხელმისაწვდომია ქართულ ბაზარზე და ასევე დიდი მოთხოვნით სარგებლობს მეზობელ ქვეყნებში. კომპანია არის პროგრამების - „აწარმოე საქართველოში“ და „შეღავათიანი აგროკრედიტის“ ბენეფიციარი. ბოლო წლების განმალობაში „ჩირინა“ ეტაპობრივად ზრდის შინაური ფრინველის წარმოებას, რითაც ანაცვლებს იმპორტირებულ გაყინულ ქათმის ხორცს ხარისხიანი ადგილობრივად წარმოებული პროდუქტით. #ქვემოქართლი2020 #გარდაბანი2020 #სახელმწიფორწმუნებული2020 #შოთარეხვიაშვილი2020