სომხეთ-აზერბაიჯანს შორის ვითარება ისევ დაიძაბა

სომხეთ-აზერბაიჯანს შორის ვითარება ისევ დაიძაბა. მხარეები ცეცხლის გახსნაში ერთმანეთს ადანაშაულებენ. აზერბაიჯანის თავდაცვის სამინისტროს ინფორმაციით, ბასარ-გეჩარის რაიონში განთავსებულმა სომხეთის შეიარაღებულმა ძალებმა ავტომატური ცეცხლსასროლი იარაღებისა და ყუმბარმტყორცნების გამოყენებით ცეცხლი გახსნეს ქელბაჯარის რაიონის სოფელ ზეილიკში განთავსებული აზერბაიჯანის არმიის პოზიციების მიმართულებით. სამინისტროს ინფორმაციით, აზერბაიჯანის შეიარაღებულმა ძალებმა მოწინააღმდეგეს საპასუხო ცეცხლით უპასუხეს. ამჟამად  ოპერატიულ ვითარებას აზერბაიჯანის არმია აკონტროლებს. სომხეთის თავდაცვის უწყება კი  აზერბაიჯანული მხარის მიერ ცეცხლის შეწყვეტის შეთანხმების დარღვევის შესახებ იუწყება. სამინისტროს ინფორმაციით, 29 ივლისს, დაახლოებით დილის 08:40 საათზე, აზერბაიჯანის შეიარაღებული ძალების დანაყოფებმა ცეცხლი გახსნეს სომხეთის პოზიციების მიმართულებით სომხეთ-აზერბაიჯანის საზღვრის გეგარ-ქუნიკის მონაკვეთზე. სამინისტროს ინფორმაციით, დაჭრილია სომხეთის შეიარაღებული ძალების ერთი ჯარისკაცი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.