კანონპროექტი „უცხოური გავლენის გამჭვირვალობის შესახებ“

„ქართული ოცნების“ მიერ მომზადებულ კანონპროექტს ორშაბათს იურიდიულ საკითხთა კომიტეტზე პირველი მოსმენით განიხილავენ. მმართველი გუნდის მიერ შემუშავებული პროექტი „უცხოური ძალის ინტერესების გამტარებელ ორგანიზაციად“ ისეთი არასამეწარმეო იურიდიული პირების რეგისტრაციას ითვალისწინებს, რომელთა შემოსავლის 20%-ზე მეტი უცხოეთიდან არის მიღებული. ორგანიზაცია ვალდებული იქნება შესაბამის ბაზაში დარეგისტრირდეს და ყოველწლიურად საფინანსო დეკლარაცია შეავსოს. ხელისუფლების ოპონენტები „ქართული ოცნების“ ინიციატივას რუსულ უწოდებენ და აღნიშნავენ, რომ კანონპროექტი ქართველი ხალხის ინტერესებს არ გამოხატავს. უმრავლესობის წევრები კი განმარტავენ, რომ პროექტში არ არის გათვალისწინებული სისხლის სამართლებრივი სანქციები და დეკლარაციის არ წარდგენის შემთხვევაში, ორგანიზაციას მხოლოდ ფულადი ჯარიმის გადახდა მოუწევს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.