კანონპროექტი „უცხოური გავლენის გამჭვირვალობის შესახებ“

„უცხოური გავლენის გამჭირვალობის შესახებ“ „ხალხის ძალის“ ინიცირებული კანონპროექტების განხილვა ხვალიდან იწყება. კომიტეტების ფორმატში ორ დოკუმენტზე იმსჯელებენ დეპუტატები. საპარლამენტო ოპოზიცია არცერთ კანონპროექტს მხარს არ უჭერს. უკვე ცნობილია, რომ „ხალხის ძალის“ მიერ მომზადებულ დოკუმენტებს პრეზიდენტი ვეტოს დაადებს, რადგან სალომე ზურაბიშვილი კანონპროექტებში ქვეყნის ევროპული პერსპექტივის საფრთხეებს ხედავს. ოპონენტები ამ ინიციატივას რუსულ კანონად მიიჩნევენ, რომელიც არასამთავრობო და მედიაორგანიზაციებს უცხოეთიდან მიღებული დაფინანსების გასაჯაროებასა და უცხოური გავლენის აგენტთა რეესტრში აღრიცხვას ავალდებულებს. ამ ბრალდებებს არც „ხალხის ძალაში“ და არც „ქართულ ოცნებაში“ არ იზიარებენ. რაც შეეხება პრეზიდენტის გადაწყვეტილებას ვეტოსთან დაკავშირებით, მას მმართველი გუნდი ნაჩქარევს უწოდებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.