„ღირსეული პარტნიორი 2020“

ნატო-ს წევრი ოთხი ქვეყნის სამხედროები საქართველოში არიან. „კოვიდ-19“-ის პანდემიის მიუხედავად, ქვეყანა უკვე მეხუთედ მასშტაბურ სამხედრო წვრთნებს უმასპინძლებს. მრავალეროვნული სწავლება „ღირსეული პარტნიორი“ 7 სექტემბრიდან აიღებს სტარტს და მასში 2 700-მდე ჯარისკაცი მიიღებს მონაწილეობას. საქართველოს შეიარაღებულ ძალებში არსებული სამხედრო ტექნიკის გარდა, გამოყენებული იქნება აშშ-ის საფრენი საშუალებები და ჯავშანტექნიკაც. კორონავირუსის გავრცელების პრევენციისთვის, ვაზიანის სამხედრო აეროდრომზე, ვაზიანის პოლიგონსა და ნორიოს საწვრთნელ ბაზაზე წვრთნები ეპიდემიოლოგების მიერ შემუშავებული სპეციალური რეგულაციების დაცვით უნდა ჩატარდეს. თავდაცვით ოპერაციებზე ორიენტირებული წვრთნების დაწყებამდე, დღეს საჩვენებელი სწავლება გაიმართა, რომელსაც „მოამბის“ გადამღები ჯგუფიც ადევნებდა თვალს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.