რუსეთის თავდაცვის სამინისტროს განცხადება

რუსეთის თავდაცვის სამინისტროში აცხადებენ, რომ საკრუიზო რაკეტებით უკრაინის სამხედრო ინფრასტრუქტურაზე დარტყმები, შავ ზღვასა და კასპიის ზღვაში მყოფი გემებიდან განახორციელეს. ამის შესახებ დღევანდელ ბრიფინგზე რუსეთის თავდაცვის სამინისტროს პრესსპიკერმა, იგორ კონაშენკოვმა განაცხადა. მისი თქმით, ასევე გამოყენებულია „კინჟალის“ ზებგერითი რაკეტა. „გრძელ მანძილზე მოქმედი, მაღალი სიზუსტის იარაღით დარტყმები მიტანილია უკრაინის სამხედრო ინფრასტრუქტურაზე. შავი ზღვის აკვატორიიდან გაშვებულმა კალიბრის ტიპის საზღვაო ბაზირების ფრთოსანმა რაკეტებმა გაანადგურეს ნიჟნის სარემონტო ქარხანა, სადაც ბრძოლაში დაზიანებული უკრაინული ჯავშანტექნიკის შეკეთება ხდებოდა. კასპიის ზღვიდან გაშვებულმა კალიბრის ტიპის საზღვაო ბაზირების ფრთოსანი რაკეტებით, ასევე ყირიმის ტერიტორიის საჰაერო სივრციდან გაშვებული „კინჟალის“ ზებგერითი რაკეტებით განადგურებულია კონსტანტინოვკას მახლობლად უკრაინის საწვავი მასალის შემნახველი მსხვილი ბაზა“, – განაცხადა რუსეთის თავდაცვის სამინისტროს პრესსპიკერმა, იგორ კონაშენკოვიმ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.