„დიდი 10“ ოქტომბერში განახლდება

რაგბიში „დიდი ათი“ ოქტომბერში განახლდება.  ეროვნული ჩემპიონატი ახალი ფორმატით ჩატარდება და მასში მონაწილეობას 12 გუნდი მიიღებს. ამასთან დაკავშირებით დღეს რაგბის კავშირში გამართულ პრესკონფერენციაზე კავშირის გამგეობის თავმჯდომარემ, გოჩა მაჭავარიანმა ისაუბრა. მაჭავარიანის ინფორმაციით, რაგბის კავშირს ეროვნული ჩემპიონატისა და სანაკრებო ტესტ-მატჩების ჩასატარებლად მთავრობა დამატებით ფინანსურ დახმარებას გაუწევს. გამგეობის თავმჯდომარემ კომენტარი რაგბის კავშირის პრეზიდენტობის მოვალეობის ახალ შემსრულებელზე, თორნიკე გოგებაშვილზე გააკეთა, რომელიც გამგეობის წევრებმა გუშინ გამართულ სხდომაზე აირჩიეს და ის აღნიშნულ თანამდებობას რაგბის კავშირის საპრეზიდენტო არჩევნებამდე დაიკავებს. საქართველოს რაგბის კავშირის საპრეზიდენტო არჩევნები 2020 წლის დეკემბერში ჩატარდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.