COVID-19 - ვითარება რეგიონებში

პირველი არხის ექსკლუზიური ინფორმაციით, „კოვიდ-19“-ის ანტისხეულებზე დამყარებული ტესტირების შედეგად, სავარაუდო დადებითი პასუხი მიიღეს იმ ქალთან დაკავშირებით, რომელიც მოწყალებას ბაგრატის საკათედრო ტაძრის ეზოში ითხოვდა. პირველი არხის ჟურნალისტის ინფორმაციით, აღნიშნული პირი წყალტუბოს სათნოების სახლის საკვებით სარგებლობდა, რომლის ბენეფიციარიც თავის მხრივ იყო წყალტუბოს მუნიციპალიტეტის მერიის თანამშრომელი - 62 წლის მამაკაცი, რომელიც კორონავირუსით ინფიცირებულია. კვლევის სავარაუდო დადებით შედეგს ადასტურებს დაავადებათა კონტროლის ცენტრის იმერეთის სამმართველოს უფროსი. რაც შეეხება ქუთაისის ინფექციურ საავადმყოფოს, დღეს კლინიკას კიდევ ერთი გამოჯანმრთელებული პაციენტი დატოვებს. შესაძლოა, კლინიკაში დღის განმავლობაში ერთი პაციენტი შეიყვანონ, რომელსაც ვირუსი სეროლოგიურად აქვს დადასტურებული. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.