სალომე ასათიანის #ინტერVIEW ბექა გაბადაძესთან (სრული ვერსია)

რამდენიმე დღეში მსოფლიოს მრავალ ქვეყანაში აღნიშნავენ ჰომოფობიასთან ბრძოლის საერთაშორისო დღეს. ➡ საქართველოში, უფლებადამცველებს, საზოგადოების წევრებს და, უწინარესად, თავად არაჰეტეროსექსუალ მოქალაქეებს დღესაც მძიმე მოგონებად აწევთ 2013 წლის17 მაისი, როცა თბილისის ცენტრი აღვირახსნილი და სახიფათო ძალადობის სივრცედ იქცა და ჰომოფობიას შეუზღუდავად მიეცა ამოფრქვევის საშუალება. ➡ შეიცვალა თუ არა რაიმე ამ ოთხი წლის განმავლობაში ხელისუფლების უფლებადაცვით პოლიტიკაში ან საზოგადოების განწყობაში? ➡ რა პოლიტიკური, სოციალური თუ ფსიქოლოგიური ფაქტორები აღვივებს ჰომოფობიურ ანტაგონიზმს? ➡ რა ტიპის უთანასწორობა გვხვდება საკუთრივ ლგბტ უმცირესობის წიაღში და როგორ აისახება ოჯახებში, სამსახურებში, სამუშაო ადგილებზე, ჯანდაცვის სფეროში განცდილი ჩაგვრა ღარიბ ფენებში მცხოვრებ არაჰეტეროსექსუალ ადამიანებზე? ➡ რა გზით შეუძლია მოზარდს, თავი დაიცვას საზოგადოების სიძულვილისგან ისე, რომ გამუდმებულმა დისკრიმინაციამ დაღი არ დაასვას მის თვითაღქმასა და ემოციურ ჯანმრთელობას? #ინტერVIEW-ს მორიგ გამოშვებაში, სალომე ასათიანი ამ და სხვა საკითხებზე ესაუბრება აქტივისტსა და სოციალურ მუშაკს, ბექა გაბადაძეს.