თეთრი სახლის გზავნილები საქართველოს / განხეთქილება ოპოზიციურ ერთობაში #LIVE

🔴 საქართველოს პრემიერ-მინისტრისა და აშშ-ის სახელმწიფო მდივნის სატელეფონო საუბარი - მაიკ პომპეო პანდემიასთან ბრძოლის კუთხით საქართველოს მთავრობის მიერ გადადგმულ ნაბიჯებს მაღალ შეფასებას აძლევს და ხელისუფლებისგან სამართლიანი არჩევნების ჩატარებას ელის. თეთრი სახლის გზავნილები და პოლიტიკური შეფასებები 🔴 განხეთქილება ოპოზიციურ ერთობაში - გიგა ბოკერია დახურულ კარს მიღმა მიმდინარე მოლაპარაკებებზე ღიად ალაპარაკდა. „ნაციონალური მოძრაობა“ რეგიონებში ბოკერიას გუნდთან მანდატების გაყოფას არ აპირებს. მანდატებს არც „ლელო“ დათმობს. ოპოზიციის გეგმები და ლიდერთა წინასაარჩევნო ამბიციები 🔴 ქვეყნის ეპიდვითარება და NDI-ის კვლევა - ცხელ წერტილებში სპეციალისტები მუშაობენ, „ლილოს“ ბაზრობა კვლავ განსაკუთრებული ეპიდემიოლოგიური დაკვირვების ქვეშ რჩება. NDI-ის კვლევის მიხედვით გამოკითხულთა უმრავლესობა თვლის, რომ კორონავირუსის დაბალი გავრცელება მთავრობისა და ექიმების სწორი ნაბიჯების შედეგია 🔴 ახალი კანონი 150 ათასამდე შშმ პირის სტატუსს განსხვავებული მოდელით განსაზღვრავს. ცხოვრება შეზღუდული შესაძლებლობებით, ბარიერები და შშმ პირთა ახალი შესაძლებლობები ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.