ომის მე-100 დღე უკრაინაში

უკრაინის აღმოსავლეთ და სამხრეთ ნაწილში რუსეთი შეტევებს განაგრძობს. როგორც უკრაინის გენშტაბში აცხადებენ, ბოლო დღე-ღამეში დონბასში მათ რუსი ოკუპანტების ხუთი იერიშის მოგერიება შეძლეს. მათივე ცნობით, მტრის სამიზნე გახდა 30 დასახლებული პუნქტი. დაზიანებულია 52 სამოქალაქო ობიექტი. მათგან 42 სახლი. სროლის შედეგად დაიღუპა ხუთი  მოქალაქე, ორი კი დაიჭრა. უკრაინელმა სამხედროებმა შეძლეს 5 რუსული ტანკის, 3 საარტილერიო დანადგარისა და 2 ჯავშანმანქანის განადგურება. რაც შეეხება ფრონტის სამხრეთ ნაწილს, უკრაინელმა სამხედროებმა შეძლეს 24 ოკუპანტის ლიკვიდაცია. განადგურებულია რუსეთის არმიის სამხედრო ტექნიკაც. მათ შორის ტანკები. რუსებმა ცეცხლი გახსნეს ხარკოვისა და ნიკოლაევის მიმართულებითაც. „სევეროდონეცკთან გარკვეული წარმატება გვაქვს, თუმცა საუბარი ჯერ ნაადრევია“, – ამის შესახებ უკრაინის პრეზიდენტმა, ვოლოდიმირ ზელენსკიმ მორიგი ვიდეომიმართვის დროს განაცხადა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.