ეუთო-ს სადამკვირვებლო მისიის ანგარიში

ეუთო-ს სადამკვირვებლო მისიამ 2018 წლის საპრეზიდენტო არჩევნებთან დაკავშირებით შუალედური ანგარიში გამოაქვეყნა. დოკუმენტში წერია, რომ მმართველი პარტიის ძლიერი უპირატესობის მიუხედავად, საპრეზიდენტო არჩევნები ანტისამთავრობო პროტესტების ფონზე მიმდინარეობს. დასკვნაში ასევე ვკითხულობთ, რომ შემცირდა საარჩევნო კომისიის წევრთა რაოდენობა ყველა დონეზე, რამაც კომისიების წევრთა შორის მმართველი პარტიის წარმომადგენელთა რაოდენობის ზრდა გამოიწვია. გარდა ამისა, დოკუმენტში საუბარია, რომ კომუნიკაციების ეროვნული კომისიის რეკომენდაციით, მაუწყებლებმა ეთერიდან უნდა ამოიღონ ყველა პოლიტიკური რეკლამა, რომელიც სამთავრობო პარტიის მიერ მხარდაჭერილ კანდიდატს უარყოფითი მხრით წარმოაჩენს. სადამკვირვებლო მისიამ ექვსი ადგილობრივი სატელევიზიო არხისა და სამი ონლაინ მედიასაშუალების, საუკეთესო საეთერო დროის კამპანიის გაშუქების რაოდენობრივი და თვისებრივი მონიტორინგი 24 სექტემბერს დაიწყო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.