„კახეთის ენერგოდისტრიბუციამ" „ნაციონალური მოძრაობის" ბანერები ჩამოხსნა
06/05/2014
ტელეკომპანია თანამგზავრი-ის
მიერ
„კახეთის ენერგოდისტრიბუციამ\" გურჯაანში „ნაციონალური მოძრაობის\" სააგიტაციო ბანერები ჩამოხსნა. პარტიის წარმომადგენლები მომხდარში ხელისუფლებას ადანაშაულებენ. როგორც „ნაციონალური მოძრაობის\" რაიონული საარჩევნო შტაბის ხელმძღვანელმა, გოჩა სიბაშვილმა განაცხადა, კომპანიის თანამშრომლებმა მათი მაჟორიტარი დეპუტატობის კანდიდატის, ზაზა ღვინიაშვილის, სააგიტაციო მასალა ყოველგვარი გაფრთხილების გარეშე ჩამოხსნეს და ოფისის წინ დაუყარეს. ბანერები ნონეშვილის ქუჩის დასაწყისში და ბაზრის მიმდებარე ტერიტორიაზე იყო განთავსებული. „ნაციონალური მოძრაობის\" განცხადებას „კახეთის ენერგოდისტრიბუციაში\" უპასუხეს. კომპანიის საზოგადოებასთან ურთიერთობის სამსახურის ხელმძღვანელმა, ბექა ბარამიძემ პარტიული ნიშნით ბანერების ჩამოხსნა უარყო და განაცხადა, რომ ოპოზიციონერებმა ის თვითნებურად გააკრეს ელექტრობოძებზე, რის შემდეგაც უსაფრთხოების ზომები დაცული არ იყო.
ვებ-გვერდზე გადასვლა:
http://bit.ly/1oh3VVF
ვებ-გვერდზე გადასვლა:
http://bit.ly/1oh3VVF
